Novas de interese - Terra de Outes

Presidente da ACC Terra de Outes

Xoán Mariño

Este ano, despois do debate sobre o seguro que tivemos na asemblea xeral, decidimos cambiar o modelo de contratación do seguro. Finalmente, incluímos nos seguros das embarcacións o seguro de accidentes d@s ocupantes, sexan quen sexan. Isto encarece o seguro pero danos máis seguridade cando levamos a navegar a calquera soci@ que non teña o seguro nominal ou calquera achegad@ que teña ganas de probar se lle gusta.
Para que o encarecemento non supoña moita carga para a asociación, a directiva decidimos pedir ás persoas que navegan con máis frecuencia que aporten 10€ ademais da cota anual de 12€. Na práctica, non supón máis esforzo económico posto que cada un xa pagaba 10€ polo anterior seguro.
Tamén cobraremos 10€ ás persoas que se inscriban no curso e non teñan un seguro particular. Lembrade que o prezo do curso (12€) é só para as persoas que non son socias, ás que ademais ofrecemos a posibilidade de asociarse se teñen interese.
Ademais, pediremos 1€ por viaxe a quen non teña intención de navegar con frecuencia, o que aplicaremos tamén a calquera amig@ ou familiar que queira vir probar. Deste xeito, non nos veremos comprometi@s a pagar se non pensamos facer un uso frecuente dos barcos.