Listado de novas:
Escolle un proxecto
Xoan Mariño - 18/03/2018
|
|
Prezados socios e socias de Terra de Outes:
Desde a Comunidade de Conservación de Froxán (Lousame) pídennos un favor:
Este dia 9 comezou o prazo para votar os 14 proxectos pré-seleccionados (dentre 150 de todo o mundo) pola European Outdoor Conservation Association para apoiar iniciativas de conservación da natureza.
Dentre eles, e pola primeira vez, hai un proxecto galego, que non é outro que o de Froxán. Se conseguen gañar, poden (e con eles a nosa Terra) dar un paso de xigante substituindo 20 hectáreas de eucalipto e acadia por árbores frondosas autóctonas e dando continuidade ao seu "crowdfunding."
Para votar non tendes máis que entrar nesta web:
E escoller o seu proxecto “10,000 native trees for Froxán Community”. Non é necesario rexistrarse e faise en 2 segundos (non fai falta meter o email):
1. Clicar en "Vote Now" ao pe do proxecto de Froxán
2. Marcar "I have read and understand the Terms & Conditions"
3. Facer click en "Cast your vote"
Agradecen moito a nosa axuda para conseguir o máximo número de apoios entre as nosas redes e entre os nosos contactos, pois iso tamén axuda a visibilizar o traballo que veñen facendo entre todas estes últimos meses.
Un cordial saúdo
Xoán Mariño
Presidente da ACC Terra de Outes
|
|
Ler máis...
|
|
Presentación do libro Se pedra na brétema
Xoan Mariño - 16/03/2018
|
|
Prezados amigos/as de Terra de Outes: Mañá venres, 16 de marzo, terá lugar en Noia a presentación do libro Se pedra na brétema, de noso socio e secretario Ramón Blanco, gañador do premio Eusebio Lorenzo Baleirón 2016. Será, na aula Álvaro de las Casas do IES Virxe do Mar de Noia, ás 19:30 h.
Canda o autor, intervirán: Xavier Castro, director do IES Virxe do Mar; Manuel Martínez, editor de Chan da Pólvora; e Manolo do Río, membro do colectivo Sacou. O acto pecharase cun recital poético, co acompañamento musical de: Pablo Martínez, Marcos Turnes e Pablo Sax.
Agardando que sexa do voso interese, remitímosvos invitación en arquivo adxunto.
Xoán Mariño
Presidente da ACC Terra de Outes
|
|
Ler máis...
|
|
presentación do libro de baleas de Eduardo Estévez
Xoan Mariño - 03/03/2018
|
|
Prezado/a socio/a de Terra de Outes: En arquivo adxunto remito invitación para o acto de presentación do libro de baleas,
da autoría de Eduardo Estévez, xenro da que durante moitos anos foi membro da Xunta Directiva da nosa Asociación, Marisol Nieto e que terá lugar o próximo sábado, 3 de marzo.
Agardando contar coa vosa presencia, mándavos un cordial saúdo:
Xoán X. Mariño
Presidente da ACC Terra de Outes
Invitación
|
|
Ler máis...
|
|
Lacoada
Xoan Mariño - 10/02/2018
|
|
Prezado/a socio/a:
Como todos os anos, ao comezo do Entroido, a ACC Terra de Outes celebra unha lacoada, para todos os socios/as, á cal están tamén invitados os familiares e amigos/as dos que calquera socio/a desexe vir acompañado, coa condición de apuntarse para a mesma con tres días de antelación, para saber coa maior exactitude posible a cantidade de carne que vai ser necesario desalar.
A lacoada vai ter lugar o sábado 10 de febrero ás 22 horas no restaurante Amanda da Serra de Outes e cómpre que confirmes a túa asistencia –e nos digas se vas traer acompañante/s– antes das 21 h. do mércores 7 de febrero, no teléfono 634 416 574 ou no enderezo electrónico terradeoutes@gmail.com.
Un cordial saúdo
Xoán X. Mariño
Presidente da A. C.-C. TERRA DE OUTES
Outes, 4 de febreiro de 2018
|
|
Ler máis...
|
|
Nova
Xoan Mariño - 04/02/2018
|
|
Prezados socios e socias de Terra de Outes:
Na asemblea anual celebrada o pasado sábado 27 de xaneiro no noso local social acordouse por unanimidade de todos os socios asistentes á mesma apoiar a manifestación convocada pola plataforma SOS Sanidade Pública que terá lugar o próximo domingo 4 de febreiro, ás 12 da mañá na alameda de Santiago, en contra da nova Lei de Saúde que, entre outras cousas, diminúe o orzamento destinado á sanidade pública, consolida menos camas de hospitalización, maior demora na asistencia das urxencias e incrementa as listas de agarda para ciruxía e probas diagnósticas, co obxectivo de poñer a sanidade pública ao servicio das farmacéuticas e fomentar e enriquer a sanidade privada.
Xoán Mariño
Presidente da ACC Terra de Outes
|
|
Ler máis...
|
|
|
|
|
