Listado de novas:
Invitación a participar nas Brigadas deseucaliptizadoras no Monte de Froxán
Xoan Mariño - 21/04/2018
|
|
Prezados socios/as de Terra de Outes:
O próximo día 21 de abril estas brigadas, lanzan unha iniciativa de voluntariado ambiental, no Monte de Froxán, para machacar manualmente rebrotes de eucalipto nas zonas restauradas grazas ao crowdfunding e noutros hábitats naturais de interese das proximidades. E quérennos convidar a compartir esa xornada con eles
A cita é en Froxán [link ao final] ás 10 da mañá e comezarán os traballos ás 10:30. É indispensábel que confirmedes a vosa participación ata, como moi tarde, o día 16 á noite, pois precísase comprar a comida do albaroque para todas e asegurar que teremos suficiente ferramenta para todo o mundo. Agradecen que, se vos anotades, vos comprometades a ir, pois do contrario estarán malgastando comida e recursos.
Anuncian o que teñen no alabaroque, por se alguén con restriccións ou preferencias alimentarias precisa traer da casa unha comida distinta (poden encomentar bocatas para veganos se se avisa con tempo):
- Empadas de atún
- Tortillas de patacas e vexetais
- Salada rusa
- Rosca, froita, café e insusións
- Auga e viño
A xornada será de mañá e tarde, e manterase de calquera xeito en caso de choiva (aínda que é conveniente que se leve roupa e calzado apropiado). Desde a organización fornecerán luvas ademais de ferramenta, aínda que se pode levar a propia se se prefire. Para apuntarvos, basta con escribir a brigadas@verdegaia.org ou colunasanfins@gmail.com
LINK (google maps):
Un sáudo
Xoan Mariño
Presidente de Terra de Outes
|
|
Ler máis...
|
|
Escolle un proxecto
Xoan Mariño - 18/03/2018
|
|
Prezados socios e socias de Terra de Outes:
Desde a Comunidade de Conservación de Froxán (Lousame) pídennos un favor:
Este dia 9 comezou o prazo para votar os 14 proxectos pré-seleccionados (dentre 150 de todo o mundo) pola European Outdoor Conservation Association para apoiar iniciativas de conservación da natureza.
Dentre eles, e pola primeira vez, hai un proxecto galego, que non é outro que o de Froxán. Se conseguen gañar, poden (e con eles a nosa Terra) dar un paso de xigante substituindo 20 hectáreas de eucalipto e acadia por árbores frondosas autóctonas e dando continuidade ao seu "crowdfunding."
Para votar non tendes máis que entrar nesta web:
E escoller o seu proxecto “10,000 native trees for Froxán Community”. Non é necesario rexistrarse e faise en 2 segundos (non fai falta meter o email):
1. Clicar en "Vote Now" ao pe do proxecto de Froxán
2. Marcar "I have read and understand the Terms & Conditions"
3. Facer click en "Cast your vote"
Agradecen moito a nosa axuda para conseguir o máximo número de apoios entre as nosas redes e entre os nosos contactos, pois iso tamén axuda a visibilizar o traballo que veñen facendo entre todas estes últimos meses.
Un cordial saúdo
Xoán Mariño
Presidente da ACC Terra de Outes
|
|
Ler máis...
|
|
Presentación do libro Se pedra na brétema
Xoan Mariño - 16/03/2018
|
|
Prezados amigos/as de Terra de Outes: Mañá venres, 16 de marzo, terá lugar en Noia a presentación do libro Se pedra na brétema, de noso socio e secretario Ramón Blanco, gañador do premio Eusebio Lorenzo Baleirón 2016. Será, na aula Álvaro de las Casas do IES Virxe do Mar de Noia, ás 19:30 h.
Canda o autor, intervirán: Xavier Castro, director do IES Virxe do Mar; Manuel Martínez, editor de Chan da Pólvora; e Manolo do Río, membro do colectivo Sacou. O acto pecharase cun recital poético, co acompañamento musical de: Pablo Martínez, Marcos Turnes e Pablo Sax.
Agardando que sexa do voso interese, remitímosvos invitación en arquivo adxunto.
Xoán Mariño
Presidente da ACC Terra de Outes
|
|
Ler máis...
|
|
presentación do libro de baleas de Eduardo Estévez
Xoan Mariño - 03/03/2018
|
|
Prezado/a socio/a de Terra de Outes: En arquivo adxunto remito invitación para o acto de presentación do libro de baleas,
da autoría de Eduardo Estévez, xenro da que durante moitos anos foi membro da Xunta Directiva da nosa Asociación, Marisol Nieto e que terá lugar o próximo sábado, 3 de marzo.
Agardando contar coa vosa presencia, mándavos un cordial saúdo:
Xoán X. Mariño
Presidente da ACC Terra de Outes
Invitación
|
|
Ler máis...
|
|
|
|
|
