Novas de interese - Terra de Outes

Prezados/as socios e socias de Terra de Outes:

En arquivo adxunto remitímosvos a convocatoria para a asemblea anual ordinaria e máis outra extraordinaria que se van celebrar o próximo sábado 18 de xaneiro seguido dunha comida para todos/as socios/as que desexen asistir a ela, así como á presentación da revista Terra de Outes que terá lugar durante a sobremesa da mesma.

Desexándovos a todos/as un Feliz Ano Novo, saúdavos cordialmente

Xoán X. Mariño

Presidente da ACC Terra de Outes

 

 

Prezados/as socios/as de Terra de Outes:

O 24 de novembro celébrase o 109 aniversario da Asociación Civil Unión Residentes de Outes en Buenos Aires e as festas de fin de ano e desde alí, Mirta Gosende (membro da súa Xunta directiva) pídenos se alguén de Terra de Outes podería achegar unha mensaxe de saúdo (texto, audio, vídeos...) para os socios e amigos para logo proxectalo na pantalla. Tamén lle pediu ao alcade, Manolo González o mesmo.

 

O noso secretario Ramón Blanco vailles mandar un pequeno vídeo saudándoos. Pero estaría ben que socios e socias envien algunha mensaxe de agarimo. Pódenselle mandar ao correo de Ramón (ramondelola@yahoo.es) e despois el xa o remite para Mirta.

 

Ela pídenos que lle mandemos isto ata o día 20 de novembro, para poder ela organizar despois o material.

 

Saúdos.

Xoán Mariño

Presidente da ACC Terra de Outes

Xoán Mariño

Prezados socios e socias de Terra de Outes:     O próximo sábado 19 de outubro, inauguramos novo local social no antigo colexio do Cruceiro e a nosa Asociación para celebralo organiza unha comida en cuxa sobremesa se presentará a revista nº 48 de Terra de Outes.      Se desexades acudir debedes apuntarvos neste enderezo electrónico ou no teléfono 634416574 antes das 10 da noite do xoves, 17, indicando se ides asistir con algún acompañante. O precio por persoa vai estar en torno aos 15 €  (menores de 18 a metade e menores de 14, 5 €).       Se alguén non pode acudir á comida, pero lle interesa asistir á presentación da revista, esta farase ás 5 da tarde aproximadamente e todos/as que acudades a ela, estades invitados/as a tomar un café con nós.       En todo caso recibide un afectuoso saúdo.       Xoán X. Mariño

Prezados socios/as de Terra de Outes:

O vindeiro sábado 31 de Agosto a nosa Asociación organiza unha subida en barco e a remos polo Tambre, saíndo do Freixo ás 11:30 .

Quen desexe participar debe levar comida e bebida para comer na Central do Tambre.

Hai 14 prazas dispoñibles. de haber máis solicitudes que prazas a orde de inscripción é a seguinte: soci@s terra de Outes, soci@s culturmar, invitad@s destes dous colectivos e orde temporal da solicitude nesta conta Terra de Outes ou mar de Outes (Wasap)

Depéndese das condicións meteorolóxicas para realizar a actividade, polo que se avisará xoves da decisión.

Aínda que xa fixerades a inscrpción,  volvede enviar a solicitude para facilitar o reconto.

Xoán Mariño

Presidente da ACC Terra de Outes