Convocatoria de presentación da nova Ardentía e da revista Terra Outes
Xoan Mariño 21/10/2023
Estimados/as socios/as de Terra de Outes: o próximo sábado 21 de outubro imos celebrar dous actos de presentación destas revistas. Ás once e media, no Estaleiro Ciprián de Broña, presentarase o número 15 da nova Ardentía (Revista Galega da Cultura Marítima e Fluvial). Ás catro e media, no centro náutico municipal do Freixo Francisco Rama, presentaremos o número 64 da nosa revista Terra de Outes. As socias/os que o desexen poderán xantar no centro náutico, previa inscrición, no correo terradeoutes@gmail.com ou no grupo de WhatsApp Terra de Outes, con data límite do mércores 18 de Outubro. De camiño dende o estaleiro ao centro náutico Santiago Llovo acompañaranos ilustrándonos cunha charla sobre as carpinterías de ribeira próximas ao percorrido. A túa presenza é importante pola repercusión que sempre teñen os actos públicos na imaxe da asociación, polo que pedimos que fagas un esforzo para acudir a algún dos actos previstos.