Novas de interese - Terra de Outes

Na sala inferior está a serie de fotografías que recollen os momentos máis representativos da traxectoria desta Asociación desde a súa aparición para homenaxear ao pintor Arximiro Suárez no centenario do seu nacemento ata a participación coas dúas embarcacións que Terra de Outes posúe no último Encontro de Embarcacións Tradicionais de Galicia celebrado recentemente en Cabo de Cruz. na mesma sala encóntrase un expositor no que se mostran as publicacións que esta Asociación impulsou: revistas, libros, catálogos, así como o DVD e o Disco gravados para o Bicentenario de Añón.
Na sala superior están os carteis anunciadores dos principais actos: Inauguración do monumento ás Vítimas do franquismo do Freixo, a do Muíño Grabiel restaurado por esta Asociación, as 7 Muiñadas, concentracións, manifestacións, exposicións, celebración das Letras Galegas, o encontro de Embarcacións Tradicionais do Freixo e, por suposto, os actos conmemorativos do Bicentenaio de Añón celebrados no 2012.
Esta exposición poderase visitar aínda ata fin de mes. \"